Vuosttaš vuovdefáktagárdima Næsheia áiti

Oapmedállu «Næsheim» lei Vagatamjávrri oarjjabeale. Analysat čájehit ahte dimbbar čullojuvvui 1895/96 dálvvi, ja visti huksehuvvui 1904:s. Geainnohis eanadagas lei áiti dehálaš vurkkodit vuovdebargi ja su bearraša borramuša ja reaidduid.

Næsheima dállu bulii 1909 cuoŋománu. Dalle mearridedje sirdit báhcán visttiid Vagatamjávrri nuppi beallái Gálgonjárgii. Doppe lei ođđa Nesheim gárvvis 1911:s. Áiti geavahuvvui dassážii go oapmedálus fárrejedje olbmot dakka maŋŋá nuppi máilmmisoađi. Báhčaveaijoga dulvadeami geažil gaikojuvvui Nesheim 1963:s. Áiti ceggejuvvui vuovdedoaimmahaga bálvalusdállui Vagatamjávrris. Go dállu vuvdojuvvui 1969:s, de fuolahii vuovdehálddaheaddji Egil Skoglund bajásdoallat áitti dáppe Gjøkenis.