Johtingeaidnu ja biebmovurkkohat

Báhčaveaijohka lea leamaš eallinvuođđu buot álbmotjoavkkuide geat leat orron dáppe. Ovdal johte dušše fatnasiin, ja dálvet ges herggiiguin.

Báhčaveajis leat buorit bivdinvejolašvuođat. Álbmotmeahcis leat eanaš hávga, vuskkon ja hárri. Sáivaguolit leat dehálaš oassi nuortalaččaid, Báhčaveaileagi eamiálbmoga, biebmodoalus. Erenoamáš dehálaš lei bivdit hávgga ja čuovžža. Goikaduvvon hávga lei maiddái gávpegálvu duhát jagi áigi. Dán čájehit roggamat Árranráiddus dás lahka.

Báhčaveaijohka lea 143 km guhku ja vuolgá Anárjávrris Suomas ja golgá Báhčaveaivutnii Girkonjárggas. Johka lea rádjá Ruššii, ja doppe leat buorit meallunvejolašvuođat. Don ferte doaladit norgga beale rájá, ja dus ferte leat registrerengalba fatnasis ja kanos. Olgoriikkalaččat eai beasa bivdit Báhčaveaijogas. Bivdonjuolggadusaid sáhtát lohkat dáppe: www.fefo.no. Doppe sáhtát maiddái oastit bivdokoartta.