Báhčaveaileahki lea guovdu stuorra eanaguovllu mii 1326:s lei Norgga ja Ruošša oktasašguovlu. Dát guovlu olii dalle Divttasvuonas Vilgesmerrii. Maiddái Ruoŧŧa gáibidii osiid oktasašguovllus, mii dađistaga unnui. Riikkarájáid geassima oktavuođas gaskal Ruoŧa ja Dánmárkku/Norgga 1766:s bisánedje go jovde oarjeleamos nuortalaš siidii, mii elii Njávdáma johgáttis. Eai duostan lahkonit Ruošša eanet. Čuovvovaš 60 jagi lei oktasašguovlu dušše dat golbma nuortalaš siidda Njávdámis, Báhčaveajis ja Beahcámis. Sihke Ruošša ja Dánmárku-Norga vearuhedje olbmuid dáppe.

1826:s juhkkojuvvui oktasašguovlu, ja dálá stáhtaráját mearriduvvojedje. Dat bilidii nuortalaččaid birgenlági Njávdámis ja Báhčaveajis. Riikkarádjá jugii sin siiddaid. Nu nohke jahkásaš johtimat. Eamiálbmot dán guovtti leagis fertii heaitit iežas johtti eallinvugiin ja šaddat dálolažžan.