Nuortalaččat Báhčaveajis válljejedje šaddat ruošša stáhtaborgárin. Sii jotke dattetge ain geavahit iežaset dološ ássan- ja guolástansajiid norgga bealde rádjasoahpamuša mielde. Sin eallinvuohki bođii fargga plánaid ovdii mat Norggas ledje guovllus. Sihkkarastin dihtii norgga suverenitehta, de eiseválddit háliidedje norgalaččaid ásaiduvvat lahka rájá. Seammás olles regiovdna vásihii stuorra suoma sisafárrema danne go Suomas lei heajos birgenláhki 1800-logu gaskamuttus. Danne álggahii Norga 1869:s máŋga koloniserenprošeavtta. Eanadoallit várregiliin máddin bohte davás.

Norgga koloniserema vuoitu bođii 1900-logu álggus, go gávdnui rogganveara ruovdemálbma gitta davvin Báhčaveajis. Riikaráját, sisafárren ja koloniseren dagahii ahte nuortalaččaid luondduvuđot kultuvra nogai. Rádjaguovllut šadde ođđaáigásaš eanadoallo- ja industriijaservodagat.