Dát stállja lei ovdal Nesheim vuovdefáktagárdimis Gálgonjárggas.

Dimbbar čullojuvvui 1921/22 dálvvi. Bjarne Ryeng, guhte riegádii Nesheimas 1913:s, lei muitalan ahte strandalaččat Esten Ryeng ja Johan Henrik Rauhala dat huksiiga stálja.

Ovdal nuppi máilmmisoađi ii hehtten riikkarádjá johtolaga Báhčaveaijogas. Dalle lei Nesheim lunddolaš bisánansadji mátkkálaččaide, ležže dal boahtán badjin dahje vuollin čázádagas. Dáppe vuoiŋŋastedje olbmot, ja lei dárbu sierra stálljii heasttaide.

Nuppi máilmmisoađi maŋŋá giddejuvvui rádjá nuorttas, ja friddja johtolat Báhčaveaijogas nogai. Dál ledje maiddái vuovdedoaimmat guhkit eret Nesheimas. Oapmedállu massii danne iežas mearkkašumi. Giehkavárri (dál Giehkavári diehtojuohkinguovddáš) šattai dan sadjái dehálaš báiki vuovdedoaimmahaga doibmii Báhčaveaileagis Stállja sirdojuvvui danne deike 1950-logus.